ចម្ងល់របស់ប្រជាពលរដ្ឋគឺមិនត្រូវបានស្រាយ ធ្វើដំបៅរីកក្លាយទៅជាការឈឺចាប់យ៉ាងរីងរៃបំផុត សម្រាប់ប្រជាពលរដ្ឋព្រោះតែអាជ្ញាធរក្រោមជាតិគ្រប់ជាន់ថ្នាក់មិនរវីរវល់អើពើ ។ តាមព័ត៌មាន ច្បាស់ការបានឲ្យដឹងថា ពលរដ្ឋចំនួន២គ្រួសារកំពុងមានការងឿងឆ្ងល់ថា តើមូលហេតុអីបានបិទ ផ្លូវ.. តើមានបទបញ្ជាពីសង្កាត់សាក់សំពៅ ឬក៏មានបទបញ្ជាពីលោកស្រី អភិបាលខណ្ឌដង្កោ ឬក៏មានបទបញ្ជាពីលោក ឃួង ស្រេង អភិបាលរាជធានីភ្នំពេញ ឬក៏មានបទបញ្ជាពីខាងណាមួយ ពីតុលាការរាជធានីភ្នំពេញ ឬក៏ពីស្ថាប័នណាមួយ ដែលថ្លើមធំហ៊ានបិទផ្លូវប្រជាពលរដ្ឋមិនឲ្យចូល ផ្ទះរបស់ខ្លួន។ តើមានច្បាប់ណាមួយដែលឲ្យធ្វើទង្វើឃោឃៅព្រៃផ្សៃរបៀបនឹងក្នុងសម័យកាល ដែលដឹកនាំដោយសម្តេច ហ៊ុន សែន ដោយពលរដ្ឋទាំងនោះលើកឡើងថា នេះគឺជាទង្វើព្រៃផ្សៃ ពេកណាស់ហើយ ក្នុងនាមជាព្រះសង្ឃជាសាវ័គរបស់ព្រះសម្មាសម្ពុទ្ធ ដែលជាតំណាងឲ្យមេត្តា ករុណាធម៌ បែរជាលើកដៃក្នុងនាមជាបុព្វជិត ឲ្យមនុស្សទឹកភ្នែកយ៉ាងចឹង ។

ព័ត៌មាននោះបានបន្តថា តើមានដីកាលេខប៉ុន្មានដែលកំណត់ឲ្យបិទផ្លូវមនុស្សដើរចូលផ្លូវ បើទោះ ជាសត្វក៏គង់មានឧិកាសចូលជម្រករបស់វា ចុះទម្រាំជីវិតមនុស្ស ។ ជាក់ស្តែងណាស់ ប្រទេសកម្ពុជា មានច្បាប់ ទាំងអណាចក្រ និងពុទ្ធចក្រ ទាំងផ្នែកព្រះសង្ឃ និងផ្នែកស៊ីវិល ក្នុងនោះ បើទោះជាគេ ធ្វើអីមួយក៏គេត្រូវមានលិខិតស្នាម ហេតុអ្វីបានជាព្រះសង្ឃថ្លើមធំបេះដូងពោពេញដោយសេចក្តី ឈ្នានិៈ ថ្លើមធំហ៊ានបិទមនុស្សចូលជម្រកខ្លួន ដោយគ្មានលិខិតស្នាមអ្វីសោះ បញ្ហានេះគឺវាឃោ ឃៅពេកណាស់ហើយ ។

បើតាមសេចក្តីរាយការណ៍បានឲ្យដឹងថា ក្នុងករណីបិទផ្លូវចូលផ្ទះពលរដ្ឋ២គ្រួសារនេះ គឺតាំងតែ អម្លុងពេលដែលសម័យកាលបិទខ្ទប់រដូវកូវីដ១៩ ផ្ទុះខ្លាំង ដោយគេបានឃើញសម្តេចអគ្គមហា សេនាបតីតេជោ ហ៊ុន សែន លោកបានមានប្រសាសន៏ថា សូមឲ្យរក្សាភាពស្ងៀមស្ងាត់នៅតាម គេហដ្ឋានរៀងៗខ្លួន ស្រាប់តែនៅពេលនោះព្រះចៅអធិការវត្តសាក់សំពៅ ស្ថិតនៅភូមិសាក់សំ ពៅ សង្កាត់សាក់សំពៅ ខណ្ឌដង្កោ រាជធានីភ្នំពេញ បានចេញមកបិទផ្លូវតែម្តង ។ ក្លាយជាហេតុ ធ្វើឲ្យប្រឆាំងទៅនឹងប្រសាសន៍ប្រមុខរាជរដ្ឋាភិបាលកម្ពុជា ដែលដឹកនាំដោសម្តេចហ៊ុន សែន ក្នុង សម័យកូវីដ១៩ ។

ព្រះសង្ឃកំហូចព្រះនាម អឿន មាឃ ព្រះចៅអធិការវត្តសាក់សំពៅ បានដឹកនាំព្រះសង្ឃ រួមទាំង កម្មករសំណង់ នៅក្នុងបរិវេណវត្តសាក់សំពៅ មកបិទផ្លូវ ពលរដ្ឋ២គ្រួសារ របស់លោក នូសាត ពិសិទ្ធ និងឈ្មោះ មានប៊ុនថា មិនឲ្យធ្វើដំណើរឆ្លងកាត់បានជាដាច់ខាត ។ ដែលសកម្មភាពដ៏ព្រៃ ផ្សៃនេះ គឺពុំមានអាជ្ញាធរដែនដី ភូមិ សង្កាត់ ខណ្ឌ ចូលរួមនោះទេ គឺមានតែព្រះសង្ឃកំហូច ឈ្មោះ អឿន មាឃ ដឹកនាំព្រះសង្ឃ និងកម្មករសំណង់ដែល ស្នាក់នៅក្នុងវត្តតែប៉ុណ្ណោះ ដែលធ្វើ សកម្មភាព រហូតបានកាប់បំផ្លាញទ្រព្យសម្បត្តិដែលជារបងផ្ទះ ប្រវែង៣៥ម៉ែត្រ របស់ពលរដ្ឋទៀតផង ។

ព័ត៌មានបន្តថា ជាក់ស្តែងពលរដ្ឋបានស្នើសុំកិច្ចជួយអន្តរាគមន៏ពីក្រសួងធម្មការ និងសាសនា ក្នុង នោះក្រសួងក៏បានផ្ទេរសមត្ថកិច្ចជូនមកគណៈអភិបាលរាជធានី ដែលមានរូបលោក ឃួង ស្រេង ដែលជាថ្នាក់ដឹកនាំកំពូលរាជធានីឲ្យជួយដោះស្រាយជូនពលរដ្ឋ ប៉ុន្តែអស់រយៈពេលជាច្រើនខែមក នេះ បើទោះបីជារូបលោក ឃួង ស្រេង ក៏រូបគាត់មិនហើបគូថពីកៅអី ចេញមុខសួរនាំឈឺឆ្អាល ដល់ទុក្ខលំបាករបស់ពលរដ្ឋទាំង២គ្រួសារនេះដែរ ។

ប្រជាពលរដ្ឋទាំងពីរគ្រួសារបានបងបង្ហូរទឹកភ្នែក និងនិយាយទាំងអួលដើម.ករ ថា តើឲ្យពួកគាត់ធ្វើ ដូចម្តេច បើអាជ្ញាធរដែលជាម៉ែជាឪរបស់ពួកគាត់ មិនខ្វល់ពីទុក្ខរបស់រាស្ត្រខ្លួនយ៉ាងចឹងនោះ ។

ទាក់ទិននឹងព័ត៌មាននេះ ភ្នាក់ងារអ្នកយកព័ត៌មានមិនអាចទំនាក់ទំនងសុំការបំភ្លឺលិខិតស្នាមនានា ការអនុញ្ញាតបិទផ្លូវ របស់ព្រះចៅអធិការវត្តសាក់សំពៅបាននៅឡើយទេ តែទោះជាយ៉ាងណា កម្ម វិធីផ្សាយយើង នឹងព្យាយាមរង់ចាំយកអំពីចំណាត់ការរបស់ថ្នាក់ដឹកនាំ ផ្សាយជូនមហាជនជ្រាប នៅពេលខាងមុខ ៕