ក្លាយជាការមិនអស់ចិត្តពីសំណាក់ប្រជាពលរដ្ឋយ៉ាងច្រើន ខណៈដីប្រឡាយទឹកដែលជាសម្បត្តិរួម សម្រាប់ប្រជា ពលរដ្ឋទូទៅប្រើប្រាស់ដើម្បីរំដោះទឹកជំនន់ ស្រាប់តែកំពុងក្លាយជាកម្មសិទ្ធឯកជនបុគ្គលពីរនាក់ប្តីប្រពន្ធ ជា បណ្តើរៗ ហើយអស់លោកអាជ្ញាធរមូលដ្ឋាន គឺហាក់បីដូចជាពុំទាន់ឃើញមានការកំរើកអើពើសោះនៅឡើយ ។

សេចក្តីរាយការណ៌មួយបានប្រាប់ឲ្យដឹងថា ទីតាំងដីប្រឡាយទឹកនេះ មានទីតាំងស្ថិតនៅភូមិព្រៃខ្លី ឃុំបសេដ្ឋ ស្រុក បសេដ្ឋ ខេត្តកំពង់ស្ពឺ ត្រូវបានបុគ្គលឈ្មោះ យ៉ាង សុខលី ជាប្តី និងឈ្មោះ ប៉ុក សាវ៉ាន ជាប្រពន្ធ បាននឹងកំពុង រៀបឥដ្ឋរាយពីលើ ក្នុងគោលបំណងរំលោភយកធ្វើជាកម្មសិទ្ធឯកជនផ្ទាល់ខ្លួន ឲ្យយ៉ាងរំភើយ ។

ក្នុងនោះបើតាមដែលប្រភពរាយការណ៌នោះ បានប្រាប់បន្តទៀតថា កន្លងមកមានពលរដ្ឋជាច្រើនបានរាយ ការណ៌ជូនអាជ្ញាធរមូលដ្ឋានផងដែរ ប៉ុន្តែគេក៏មិនដឹងថា តើអាចមកពីមូលហេតុអ្វីបានជាអស់លោកទាំងអស់ នោះ មានការស្ងាត់ស្ងៀមមិនរវីរវល់អើពើជាមួយសម្បត្តិរដ្ឋ ដែលគ្រោងនឹងបាត់បង់មួយនេះសោះនោះឡើយ ។

រាល់ប្រជាពលរដ្ឋដែលបានឃើញពីសកម្មភាពបុគ្គលពីរនាក់ រំលោភយកដីប្រឡាយនេះ ទាំងអស់គ្នាសុទ្ធតែកើត ការរ៉ាវក្តៅក្រហាយស្រណោះស្តាយសម្បត្តិរដ្ឋមួយនេះជាខ្លាំង ប៉ុន្តែពួកគាត់មិនអាចទៅបង្កជាជម្លោះជាមួយបុគ្គល ដែលកំពុងស្រក់ទឹកមាត់ស្រេកឃ្លានដីប្រឡាយទឹក ដែលជារបស់រដ្ឋបាននោះទេ ក្នុងនាមអ្នកដែលគោរពស្រ ឡាញ់សម្បត្តិសាធារណៈ ពួកគាត់ មានសិទ្ធត្រឹមតែរាយការណ៌ជូនអាជ្ញាធរប៉ុណ្ណោះ ប៉ុន្តែអ្វីដែលធ្វើឲ្យពួកគាត់ មិនអស់ចិត្តនោះ គឺហេតុផលថា អាជ្ញាធរមូលដ្ឋាន អស់លោកហាក់ពុំសូវអើពើយ៉ាងចម្លែកពេកណាស់ ។

ប្រជាពលរដ្ឋរស់នៅភូមិព្រៃខ្លី ឃុំបសេដ្ឋ ស្រុកបសេដ្ឋ ខេត្តកំពង់ស្ពឺ សំណូមពរសូមថ្នាក់ដឹកនាំស្រុកបសេដ្ឋ ក៏ដូច ជាថ្នាក់ដឹកនាំខេត្តកំពង់ស្ពឺ ដែលមានរូបលោក វ៉ី សំណាង ដែលជាគណៈបញ្ជាការឯកភាពខេត្ត សូមមេត្តាជួយ មានចំណាត់ការឲ្យបុគ្គល២នាក់ប្តីប្រពន្ធខាងលើនេះ កាយអាចម៌ដីចេញទីតាំងប្រឡាយទឹករបស់រដ្ឋវិញផង ពួក
បើអាចមានករណីស្ទះប្រឡាយ ឬក៏បិទប្រឡាយ គឺវាអាចជាការគ្រោះថ្នាក់សម្រាប់ពលរដ្ឋ នៅពេលដែលមាន គ្រោះធម្មជាតិកើតឡើង ។

ដោយឡែកព័ត៌មានខាងលើនេះ ភ្នាក់ងារអ្នកយកព័ត៌មានអង្គភាពយើង មិនអាចទំនាក់ទំនង សុំការបំភ្លឺពីភាគី លោក យ៉ាង សុខលី និងលោកស្រី ប៉ុក សាវ៉ាន បាននៅឡើយនោះទេ ក្នុងថ្ងៃនេះ ៕