ក្លាយជារឿងចម្លែកយ៉ាងខ្លាំង ចាប់ផ្តើមធ្វើឲ្យពលរដ្ឋរស់នៅក្នុងទឹកដីខេត្តក្រចេះជាច្រើន ផ្តើមនាំគ្នាមានចម្ងល់មិន អស់មិនហើយសោះតែម្តង ដោយទាំងអស់គ្នាលើកឡើងថា ស្របពេលទៅនឹងរាជរដ្ឋាភិបាលកម្ពុជា ដាក់ចេញវិ ធានការបិទខ្ទប់ស្ទើរតែទូទាំងបណ្តាខេត្តក្រុង ព្រោះតែបញ្ហាកូវីដ១៩ ហើយចុះមូលហេតុអ្វីបានជាទីតាំងទឹកដីក្រុង ក្រចេះ បទល្មើសឈើ ចាប់ផ្តើមមានការកក្រើកនូវសកម្មភាពអីក៏ខ្លាំងដៃម៉្លេះ ។

តាមដែលសេចក្តីរាយការណ៏ ពីពលរដ្ឋរស់នៅក្នុងស្រុកសំបូរ បានប្រាប់ឲ្យដឹងថា ស្រុកមួយចំនួន ជាប់នឹងព្រំប្រ ទល់ព្រៃឡង់ បច្ចុប្បន្ននេះកំពុងចាប់ផ្តើមមានក្រុមឈ្មួញបំផុសជួលឲ្យក្រុមម៉ូតូកែឆ្នៃធ្វើសកម្មភាពដឹកឈើឲ្យខ្លួន យ៉ាងគគ្រឹកគគ្រេងឡើងវិញហើយ ។ បើតាមដែលគេដឹងនោះ ឈើជាច្រើននោះ គឺបានយកចេញពីដែនជម្រកព្រៃ
ឡង់ តាមរយៈគោយន្តកន្ត្រៃ និងគោយន្តកែឆ្នៃ បានទម្លាក់គរទុក ដើម្បីជួលឲ្យក្រុមម៉ូតូដឹកជញ្ជូនបន្ត ក្នុងចេតនា បំភ័ន្តភ្នែកថា ជាសកម្មភាពបទល្មើសលក្ខណៈគ្រួសារ ក្នុងទិសដៅងាយស្រួលនូវក្នុងការចល័តឈើទាំងអស់នោះ
យកទៅប្រគល់ឲ្យឈ្មួញចាំទិញ ។

ក្នុងនោះ គេបានឃើញមានកំពង់ចំលងមួយចំនួន ចាប់ផ្តើមប្រើរូបភាពជាមធ្យោបាយឲ្យក្រុមម៉ូតូដឹកឈើទាំងអស់ នោះធ្វើសកម្មភាពបាន មានដូចជាកំពង់ចំលងភូមិធំ វឌ្ធនះ កំពង់ ចំលង ឬស្សីចារ ដែលមានទីតាំងនៅក្បែរក្រុង ក្រចេះតែម្តង ក្រោមហេតុផលថា ពួកគេមានមុខរបរអ្នកអ្នកចម្លង គឺមិនខ្វល់ថា ខុសច្បាប់ ឬក៏ត្រូវច្បាប់នោះទេ
ព្រោះការងារទាំងអស់ គឺជាការរបស់សមត្ថកិច្ច មិនមែនជាការងាររបស់គេ ដែលជាអ្នកចម្លងនោះទេ ។

មជ្ឈដ្ឋានក្នុងខេត្តក្រចេះ បានលើកឡើងថា គួរណាស់តែករណីបទល្មើសឈើបែបអណាធិបតេយ្យនេះ រូបលោក
វ៉ា ថន ដែលជាគណៈបញ្ជាការឯកភាព និងជាអាជ្ញាធរដែនដីថ្នាក់ខេត្ត បានចេញមុខទប់ស្កាត់ខ្លះផងទាន ពីព្រោះ ថាបើនៅតែមានសកម្មភាពបទល្មើសបែបអណាធិបតេយ្យតែយ៉ាងហ្នឹងទៅ គឺវាអាក្រក់មើលណាស់ក្នុងក្រសែ ភ្នែកមហាជន ៕