ស្ទើរតែរាល់យប់ហើយ រឿងមួយកើតឡើងនៅលើទឹកដីមួយ វាជាទំលាប់ទៅហើយ ដែលចរាចរបទល្មើសឈើ ចេញចូលយ៉ាងរលូន សិប្បកម្មរីកដូចផ្សិត ដោយពុំមានការបង្ក្រាបទាល់តែសោះ ។ ក្នុងរឿងនេះដែរ លេចឮ ពាក្យថា មូលហេតុដែលបទល្មើសច្រើនយ៉ាងនេះ មានការពាក់ព័ន្ធជាមួយមេប៉ុស្ត៍ណឹងឯង ។

ជាក់ស្តែង ផ្ទះមួយកន្លែង ស្ថិតនៅចំណុចក្បែរស្ពាន អូរខ្សាច់ចម្ងាយប្រហែល ២០០មែត្រ តែងតែមានសាំយ៉ុង ចេញចូលដាក់ឈើ ស្ទើរតែរាល់យប់ហើយទីតាំងនោះដែរ គឺជាកន្លែងស្តុបឈើតែម្តង ។

បើតាមការឲ្យដឹងពីប្រជាពលរដ្ឋ ដែលរស់នៅភូមិនោះថា ទីតាំងដែលហ៊ុមព័ទ្ធដីដ៍ធំល្វឹងល្វើយ នៅក្បែរស្ពាន អូរខ្សាច់ដែលមានកញ្ចុះអង្កុយលំហែរកាយផងដែរនោះ គឺជាកន្លែងដែលសំរាប់ស្តុបឈើណឹងហើយ ៗទីតាំង មួយនោះដែរ គឺជាផ្ទះមេប៉ុស្ត៍រលួសណឹងឯង ហើយឡានដែលតែងតែចូលដឹកនៅទីនោះជាប្រចាំនោះ ។

ម្ចាស់ឈ្មោះលោកគ្រូ ផល្លា នាយកសាលាសន្តាន់ មានផ្ទះនៅម្តុំផ្សារសន្តាន់ និងម្នាក់ទៀតឈ្មោះ រ៉ាត់ ទាំងពីរ នាក់នេះដឹកស្ទើរតែរាល់យប់ ហើយក៍មិនដែលឃើញ សមត្ថកិច្ច ក៏ដូចជាជំនាញជាពិសេស លោក តែ រី ដែល ជានាយសង្កាត់រដ្ឋបាលព្រៃឈើរលួសសែនជ័យ ធ្វើការបង្ក្រាបម្តងណាឡើយ ។

ទូរស័ព្ទរបស់លោក ទោះខលដើម្បីផ្តល់ដំណឹងរាយការណ៍ជូនលោកយ៉ាងណាក្តី ក៏លោកមិនលើកដែរ ពិ សេសពេលយប់តែម្តង ហើយក៏មិនសូវដែលឃើញលោកនៅកន្លែងដែរ ។ ការដែលមិនលើកទូរស័ព្ទនេះ អាច ពន្យាឲ្យបទល្មើសទៅផុតដែនដី លោកហើយមើលទៅនេះ ជាលេសធ្វើរមិនដឹងមិន ឮដើម្បីប្រយ៉ោជន៍ហើយ មើលទៅ ។ ចំណែកលោកមេប៉ុស្ត៍ឯណេះវិញ លោកបានប្រាប់ក្រុមការងារយើងថា ផ្ទះស្តុបឈើនោះជាផ្ទះ លោកហើយ លោកបានកម្រៃខ្លះៗ ពីរឿងនេះដែរ ចំណែករឿងបើកដៃឲ្យមានសិប្បកម្ម និងការចរាចរដឹក រាល់យប់នោះ ចង់បិទចង់បើកនោះ វាជាសិទ្ធរបស់មេព្រៃទេ ហើយសិប្បកម្មទាំងនោះ គេមានច្បាប់របស់គេ បើរចង់ដឹងទាក់ទងទៅលោក តែ រី ទៅចំពោះលោកពិបាកណាស់ ព្រោះថា សមត្ថកិច្ចក្នុងខេត្តក្រចេះ ទាំង អស់គេដឹងអស់ហើយ ។

តើនេះជាការដោះសារ របស់មេប៉ុស្តិ៍ដែរឬទេក្នុងរឿងនេះ ទោះជាយ៉ាងណា ភ្នាក់ងារអ្នកយកព័ត៌មាន និងព្យា យាមយកព័ត៌មានច្បាស់ការ ផ្សាយជូនមហាជនជ្រាបនៅពេលខាងមុខ ៕