ថ្មីៗនេះ ប្រភពស្នើសុំពីប្រជាពលរដ្ឋបានឲ្យដឹងថា ដីឆ្នេសមុទ្រមួយកន្លែងគ្រោងនឹងបាត់បង់ ព្រោះតែកំពុងត្រូវ បានជនខិលខូច មានអំណាចទឹកលុយលួចធ្វើរបងរំលោភចូលឆ្នេរ បម្រុងសាងសង់សំណង់រឹងខណៈអស់លោក អាជ្ញាធរ នៅមិនទាន់មានចំណាត់ការឲ្យបានក្តៅគគុកនៅឡើយ ។

ប្រភពនោះបានបន្តថា ករណីបុគ្គលម្នាក់ អាចមានអំណាចធ្វើរបងរំលោភយកដីឆ្នេរសមុទ្រដ៏សម្បើមនេះ គឺ ស្ថិតនៅក្នុងភូមិអង្កោល ឃុំអង្កោល ស្រុកដំណាក់ចង្អើរ ខេត្ដកែប ហើយបើតាមអ្វីដែលប្រជាពលរដ្ឋបានដឹង នោះ កន្លងមកអាជ្ញាធរមូលដ្ឋាន និងមន្ត្រីពាក់ព័ន្ធមួយចំនួន ក៏ធ្លាប់បានចុះទៅពិនិត្យមើលទីតាំងសាងសង់របង រំលោភចូលឆ្នេរសមុទ្រមួយកន្លែងនេះជាច្រើនដងមកហើយដែរ តែមិនទាន់ឃើញមានលទ្ធផលអ្វីច្បាស់លាស់ នោះទេ ។

ប្រភពមួយបានលើកឡើងថា ការយកដីឆ្នេរសមុទ្រទៅអភិវឌ្ឍអ្វីមួយ គឺលុះត្រាតែមានសេចក្តីសម្រេចពីរាជ រដ្ឋាភិបាល បិទផ្សាយឲ្យប្រជាពលរដ្ឋបានជ្រាបទើបសាកសម ពីព្រោះ ព្រែកអូរ ស្ទឹងបឹងបួ ទន្លេ សមុទ្រ គឺជា សម្បត្តិជាតិ ដែលមានទាំងរាស្ត្រ និងរដ្ឋរួមគ្នា ផ្ទុយទៅវិញទីតាំងខាងលើនេះ បែរជាមានបុគ្គលឯកជនម្នាក់ ធ្វើរបងរំលោភយកឆ្នេរនេះយ៉ាងសុខស្រួលបំផុត ទាំងគេមិនដឹងថា តើសកម្មភាពនេះអាចផ្ដល់ផលប្រយោជន៍ អ្វីខ្លះជូនសង្គម ។

ប្រភពនោះបន្តថា កន្លងមកលោកស្រី គឹម ចាន្នី អភិបាលស្រុកដំណាក់ចង្អើរ ធ្លាប់បានថ្លែងប្រាប់ក្រុមអ្នក យកព័ត៌មានឲ្យដឹងថា លោកស្រីបានចុះទៅហាមឃាត់ និងធ្វើកិច្ចសន្យាជាច្រើនដងមកហើយ ក្នុងករណីនេះ ប៉ុន្តែមិនដឹងមូលហេតុអ្វី បានជាបុគ្គលខាងលើ អាចសាងសង់របងយកដីឆ្នេសមុទ្រនេះ បានយ៉ាងរលូនបែប
នេះ ។

ទាក់ទិនទៅនឹងព័ត៌មាននេះ ប្រជាពលរដ្ឋរស់នៅក្នុងស្រុកដំណាក់ចង្អើរ សំណូមពរដល់ថ្នាក់ដឹកនាំគ្រប់លំ ដាប់ថ្នាក់ សូមមេត្តាជួយមានចំណាត់ការពិនិត្យស្រាវជ្រាវ បង្ហាញជូនសង្គមឲ្យបានឃើញផង ។

សម្រាប់ព័ត៌មាននេះ គឺជាប្រភពស្នើសុំពីប្រជាពលរដ្ឋ ក្នុងគោលបំណងចែករំលែកជូនថ្នាក់ដឹកនាំជ្រាប ដើម្បី កែលំអរសង្គម រាល់សាម៉ីស្ថាប័នទាំងឡាយណា ដែលអះអាងថា ព័ត៌មាននេះ មិនសុក្រិតសម្រាប់ខ្លួន អាចទំ នាក់ទំនងការិយាល័យនិពន្ធយើង នៅរៀងរាល់ម៉ោងធ្វើការ ៕