បែកធ្លាយព័ត៌មានដ៏ភ្ញាក់ផ្អើលចេញពីទឹកដីស្រុកសំបូរ ខេត្តក្រចេះ ត្រូវទម្លាយចេញឲ្យហុយៗ ដោយ លើកឡើងថា ក្នុងរយៈពេលប្រមាណជាង១០ថ្ងៃនេះ ទីតាំងដែនជម្រកព្រៃឡង់ទាំងមូល គឺហាក់ត្រូវ បានក្រុមឈ្មួញយកលុយទៅបំផុសឲ្យក្រុមបទល្មើសកាប់បំផ្លាញព្រៃឈើ និងដឹកជញ្ជូនព្រៃឈើ ឲ្យ ខ្លួនយ៉ាងភ្លូកទឹកភ្លូកដីខ្លាំងណាស់ ចំណែកអស់លោកមន្ត្រីបរិស្ថាន ដែលស្ថិតនៅក្រោមការគ្រប់គ្រង បុគ្គលឈ្មោះ ធី ដែលជាមេកើយស្នាក់ការទើបតែឡើងកាន់ដំណែងថ្មីៗនេះ ក៏ហាក់ដូចជាសម្រាន លក់ យ៉ាងមានសេចក្តីសុខស្រួលល្អណាស់ ។

ទីតាំងដែលក្រុមឈ្មួញកំពុងយកលុយទៅសាបព្រួសឲ្យក្រុមអ្នកប្រព្រឹត្តបទល្មើសនោះ គឺស្ថិតនៅ ចំ ណុចត្រពាំងទា វាលស្នួល កំប៉ូតគយ ស្ថិតក្នុងឃុំបឹងចារ ស្រុកសំបូរ ខេត្តក្រចេះ ដោយដឹកជញ្ជូនយក
ឆ្លងកាត់មុខស្នាក់ការដែនជម្រកបរិស្ថាន ឆ្ពោះទៅកាន់ស្រុកព្រែកប្រសប់ និងឆ្លងទៅខាងបែកអន្លូង ឬមួយទៅខាងត្បូងឃ្មុំ ដែលជាទីផ្សារទទួលទិញ ។

ទាក់ទិនទៅនឹងប្រភពទម្លាយរឿងដ៏សែនក្តៅហុយៗនេះ សម្រាប់ក្រុមងារមន្ត្រីការពារដែនជម្រកបរិ ស្ថាន តែងអះអាងថា មិនមានបទល្មើសឈើដឹកចេញទេ ផ្ទុយទៅវិញឲ្យតែដល់ម៉ោង១០យប់ គឺគេ ឃើញក្បួនក្រុមជនប្រព្រឹត្តដឹកឈើចេញពីព្រៃដូចហែរអង្គកឋិនទានសាមគ្គី យ៉ាងអញ្ចឹង ។ ក្នុងនោះ
គេក៏ល្បីថា មានមនុស្សម្នាក់ រហ័សនាម តាកោះកុង គឺជាអ្នករត់ការសម្របសម្រួលដោះស្រាយ ជា មួយមន្ត្រីជំនាញពាក់ព័ន្ធទៀតផង ។

ប្រភេទឈើដែលំពុងពេញនិយមក្នុងការដឹកចេញ គឺជាប្រភេទឈើគ្រឿង ៥-១៥ ប្រភេទឈើទាល និងត្រូវបានក្រុមឈ្មួញដឹកយកចេញតាមរយៈគោយន្តកន្ត្រៃ និងរថយន្តកែឆ្នៃ យ៉ាងគគ្រឹកគគ្រេង សឹងតែរញ្ជួយ ផ្អៀងខេត្តក្រចេះ ទៅហើយ ។

ទាក់ទិនទៅនឹងសកម្មភាពក្បួនដឹកឈើ កំពុងមានសន្ទុះដូចព្យុះសង្ឃរានេះ សមត្ថកិច្ចជាច្រើន តាម ដងផ្លូវបានលើកឡើងថា នេះគឺជាការទទួលខុសត្រូវរបស់សមត្ថកិច្ចដែនជម្រក ពួកគាត់ជាដែន សមត្ថកិច្ចតាមដងផ្លូវ គ្មានសមត្ថភាពណាមួយដែលអាចទៅទប់ស្កាត់បទល្មើសក្នុងដែនជម្រកការ ពារព្រៃឡង់នោះឡើយ ពោលគឺរូបលោកធ្វើទៅតាមតួនាទីតែប៉ុណ្ណោះ ។

ប្រជាពលរដ្ឋជាច្រើន នៅក្នុងខេត្តក្រចេះ សូមសំណូមពរដល់រូប លោក សាយ សំអាល់ រដ្ឋមន្ត្រីក្រ សួងបរិស្ថាន សូមមេត្តាជួយមានចំណាត់ការពិនិត្យមើលទីតាំងដែនជម្រកការពារព្រៃឡង់ មួយនេះ ផងទាន តើហេតុអ្វី គ្រាន់តែផ្លាស់ប្តូរ លោក ហាក់ វិបុលចេញ ដាក់ចូលបុគ្គលឈ្មោះ ធី ជាប្រធាន ស្នាក់ការជំនួសវិញ បទល្មើសព្រៃឈើ កើនឡើងរីកដូចផ្សិតខ្លាំងក្លាម៉្លេះ សូមកុំឲ្យដូចពាក្យចាស់បូ រាណតែងលើកឡើង ដង្កូវក្នុងសាច់ពិបាកណាស់ ក្នុងការព្យាបាល ៕