ដូចគេថា បើខ្មោចស្រុកមិនឲ្យដៃ ខ្មោចព្រៃក៏មិនហ៊ានបន្លាចក្មេងនោះទេ យ៉ាងណាមិញសំណង់មួយកន្លែង ក្រោមដែនដីគ្រប់គ្រងរបស់លោក ហែម ដារិទ្ធ ជាអភិបាលខណ្ឌពោធិ៍សែនជ័យ បែរក្លាយទៅជារឿងរ៉ាវមួយ ដែលសបញ្ជាក់ឲ្យឃើញពីភាពស្ពឹកស្រពន់របស់ក្រុមមន្ត្រីមួយចំនួន ដែលនាំគ្នាស្រឡាញ់កៅអីម៉ាស៊ីនត្រជាក់ ទុកឲ្យឈ្មួញអ្នកមានលុយធ្វើសំណង់ រំលោភយកដីផ្លូវសាធារណៈស្ទើរតែបានមួយរយភាគរយទៅហើយ រហូត ដល់ក្រុមអ្នកសារព័ត៌មាន នាំគ្នាធ្វើការផ្សាយជាបន្តបន្ទាប់ ផ្អើលពេញបណ្តាញសង្គម ទើបចាប់ផ្តើនអស់ លោកទាំងអស់នោះ នាំគ្នាស្តែងចេញនូវការភ្ញាក់ផ្អើល ។

គួរបញ្ជាក់ថា អស់រយៈពេលប៉ុន្មានថ្ងៃនេះ នៅក្នុងបណ្តាញសង្គម ចាប់ផ្តើមចែករំលែកជាបន្តបន្ទាប់ ខណៈ ដែលទីតាំងមួយកន្លែងដែលជាដីចំណីផ្លូវសាធារណៈ ស្ថិតនៅក្នុងភូមិ ជង្រុក សង្កាត់ត្រពាំងក្រសាំង ខណ្ឌពោធិ៍ សែនជ័យ រាជធានីភ្នំពេញ ត្រូវបានបុគ្គលអ្នកមានលុយ បើកសាងសង់សំណងរឹងទាំងកណ្តាលថ្ងៃ បង្អួតទាំង រាស្ត្រ ទាំងមន្ត្រី ថាដីចំណីផ្លូវត្រូវក្លាយជាកម្មសិទ្ធិគេ ផ្ទុយទៅវិញ គឺចាប់តាំងពីសាង់សង់សំណង់ដំបូងរហូតជិត រួចរាល់ជាស្ថាពរ អស់លោកអាជ្ញាធរដែនដី គឺហាក់បីដូចមានសេចក្តីសុខឲ្យយ៉ាងត្រជាក់ល្ហឹម រហូតក្រុមអ្នក សារព័ត៌មានផ្សាយជាបន្តបន្ទាប់ផ្អើលពេញបណ្តាញសង្គម ទើបអស់លោកនាំគ្នាភ្ញាក់ផ្អើល ខ្លាចប៉ះពាល់ដំ ណែងសក្តិ៍យសរបស់ខ្លួន ។

សេចក្តីរាយការណ៌បានប្រាប់ឲ្យដឹងថា ក្នុងពេលថ្មីៗនេះ លោក ហែម ដារិទ្ធ អភិបាល នៃគណៈអភិបាលខណ្ឌ ពោធិ៍សែនជ័យ បានប្រាប់មកអ្នកសារព័ត៌មានតាមប្រព័ន្ធ telegram ថា លោកបានចាត់មន្ត្រីជំនាញចុះទៅកំ ណត់ព្រុំដីមិនអនុញ្ញាតឲ្យមានការរំលោភបំពានផ្លូវសាធារណៈបានឡើយ ហើយបើសិនជានណា នៅតែរឹង ទទឹងសាងសង់សំណង់រំលោភយកផ្លូវសាធារណៈ ដាច់ខាតត្រូវតែអនុវត្តតាមច្បាប់ភូមិបាល គឺវៃចោល ដោយ មិនមានការយោគយល់នោះទេ។

តែបើទោះជាបែបណាក្តី ប្រជាពលរដ្ឋជាច្រើនបានលើកឡើងថា វា ពិតជាចម្លែកណាស់ ចុះកាលពីពេលឈ្មួញ ទើបចាប់ផ្តើមសាងសង់ ម៉េចក៏អស់លោកអាជ្ញាធរមិនប្រតិកម្មខ្លះផងទៅ ពីព្រោះការសាងសង់នេះ គឺមិនមែន សាងសង់ក្នុងទឹក ឬក្នុងព្រៃនោះទេ ពោលគឺសាងសង់នៅនៅចំកណ្តាលផ្លូវ ដែលមហាជនឆ្លងកាត់ ហើយសុទ្ធ តែបានឃើញគ្រប់ៗគ្នា ហើយចុះហេតុអីបានជាអស់លោកអាជ្ញាធរដែនដី អត់ដឹងចឹង ៕