ឧិ!.. ជីវិតសត្វលោក កើតមកពិតជាមិនទៀងពិតមែន យ៉ាងណាមិញស្រ្តីម្នាក់គ្រាន់តែឈឺភ្នែកសោះ ស្រាប់តែ ក្រោយពេល មករកឲ្យលោកគ្រូពេទ្យជំនាញភ្នែក ជួយរូបគាត់នោះ លោកគ្រូពេទ្យចាក់ថ្នាំមួយម្ជុល បែរជាស្លាប់ បាត់បង់ជីវិតតែម្តង ក្នុងនោះបើទោះជាខំបញ្ជូលយកទៅកាន់មន្ទីរពេទ្យកាល់ម៉ែត្រក៏មិនអាចកែបញ្ហាជាតិថ្នាំមួយ ម្ជុលនេះនោះទេ ។

ហេតុការណ៌ដ៏ភ្ញាក់ផ្អើលមួយ ក្រោយពេលស្រ្តីម្នាក់បានស្លាប់ នៅពេលដែលបញ្ជូនដល់មន្ទីពេទ្យកាល់ម៉ែត បន្ទាប់ពីទទួលសេវាចាក់ថ្នាំព្យាបាលភ្នែក នៅមន្ទីរពេទ្យឯកជនមួយនៅក្នុងរាជធានីភ្នំពេញ ដែលមានស្លាក យីហោ មន្ទីពេទ្យភ្នែក ដុកទ័រ គង់ ពិសិដ្ឋ កាលពីល្ងាចថ្ងៃទី០៥ ខែកញ្ញា ឆ្នាំ២០២០ នេះ ។

បើតាមសាច់ញ្ញាតិជនរងគ្រោះ បានប្រាប់ថា ជនរងគ្រោះមានឈ្មោះ សាវន បច្ចុប្បន្នស្នាក់នៅម្ដុំបឹងសាឡាង រាជធានីភ្នំពេញ ដែលមានស្វាមីជាអ្នកលក់សាច់គោ។ ដើមហេតុថា ប្អូនរបស់ខ្លួនមានជំងឺ ភ្នែក ទើបមកទួលសេវាព្យាបាល នៅមន្ទីពេទ្យឯកជនមួយនេះ។ ស្រាប់តែក្រោយពេលចាក់ថ្នាំតាមការណាត់ហើយ បែរជាជនរងគ្រោះ រងនូវប្រតិកម្មជាមួយថ្នាំ បណ្ដាលឲ្យគាំងបេះដូងស្លាប់ តែម្តង ។

សាច់ញ្ញាតិជនរងគ្រោះបានឲ្យដឹងទៀតថា នៅពេលនេះ ក្រុមគ្រួសារជនរងគ្រោះ បានយល់ព្រមទទួលសំណង ពីខាងមន្ទីពេទ្យហើយ។ រីឯសពស្ត្រីរងគ្រោះ ត្រូវបានក្រុមគ្រួសារទទួលយកទៅធ្វើបុណ្យតាមប្របៃណី នៅឯស្រុក ក្រគ ខេត្តពោធិ៍សាត់ ។

ទោះជាខាងមន្ទីរពេទ្យយល់ព្រមផ្តល់សំណងទៅគ្រួសារសពស្ត្ររីរងគ្រោះយ៉ាងណាក៏ដោយ មហាជនជាច្រើន សូមសំណូមពរដល់ក្រសួងសុខាភិបាល មេត្តាជួយមានការរិតបណ្តឹងលើជំនាញវិជ្ជាជីវៈគ្រូពេទ្យ ឲ្យបានខ្លាំង ជាងមុនផង ព្រោះគ្រូពេទ្យ គឺជាអ្នកសង្ក្រោះជីវិតមនុស្ស ហើយបើគ្រាន់តែឈើភ្នែក ក៏ត្រូវបាត់បង់ជីវិតនោះ តើនៅថ្ងៃក្រោយ ឲ្យប្រជាពលរដ្ឋមានជំនឿចិត្តលើគ្រូពេទ្យ បានដោយរបៀបណា ៕