មានហេតុការណ៌ដ៏ភ្ញាក់ផ្អើលមួយ បានកើតឡើងកាលពីវេលាម៉ោង១១ថ្ងៃត្រង់ ថ្ងៃទី២១ ខែកញ្ញា ឆ្នាំ២០២០ នេះ ខណៈដែលមានផ្សែងខ្មៅហុយខ្មួលខ្មួញ ចេញពីបន្ទប់ព្រះសង្ឃមួយអង្គ ធ្វើឲ្យព្រះសង្ឃជាច្រើនអង្គមានការ បាននាំគ្នាទៅគាស់ទ្វារបន្ទប់ព្រះសង្ឃដែលកំពុងមានហុយផ្សែងនោះ យ៉ាងប្រញ៉ាប់ប្រញ៉ាល់ ហើយអ្វីដែលភ្ញាក់ ផ្អើលបំផុតនោះ គឺព្រះសង្ឃអង្គបានសុគត់បាត់ទៅហើយ ដោយត្រូវបានភ្លើងឆេះខ្លោច មើលរូបស្ទើរលែងយល់ តែម្តង ។

តាមបណ្តាញព័ត៌មានក្នុងស្រុកជាច្រើន កំពុងបានចែករំលែក បានឲ្យដឹងថា ព្រះសង្ឃរងគ្រោះ មានព្រះនាម ហ៊ាត ហ៊ាក ព្រះជន្ម២៤វស្សា មានស្រុកកំណើត នៅឃុំបាល្ល័ង្គ ស្រុកប្រាសាទបាគង ខេត្តសៀមរាប។ ព្រះសង្ឃរងគ្រោះនេះ ទើបតែមកគង់នៅវត្តកណ្តាល ស្ថិតក្នុងភូមិរំចេក៤ សង្កាត់រតនៈ ក្រុងបាត់ដំបង ខេត្ត បាត់ដំបង មានរយៈពេលប្រមាណ៥ខែមកហើយ ដើម្បីរៀននៅសាលាពុទ្ធិកៈ វិទ្យាល័យ អឺងធួង ( ក្នុងទីអា រាម វត្តពោធិវាល) ប៉ុន្តែមិនដឹងជាមានវិបត្តិអ្វីទេ បានសម្រេចចិត្តធ្វើអត្តឃាតខ្លួនឯង ដោយចាក់សាំងដុត ព្រះកាយ បណ្តាលឲ្យសុគតភ្លាមៗ យ៉ាងអាណោចអាធ័មបែបនេះ ។

បើតាមព្រះចៅអធិការវត្តកណ្តាល ព្រះនាម កែវ សំពង់ បានឲ្យដឹងថា មុនពេលកើតហេតុ គឺឃើញមានផ្សែង ចេញពីកុដិរបស់សង្ឃរងគ្រោះ ទើបព្រះដ៏ទៃជាច្រើនអង្គមានការភ្ញាក់ផ្អើល បាននាំគ្នាគាស់ទ្វារកុដិ យ៉ាងប្រញ៉ាប់ប្រញ៉ាល់ ក៏ប្រទះឃើញសង្ឃរងគ្រោះអង្គនោះ បានសុគតនៅលើគ្រែបាត់ទៅហើយ ដោយត្រូវអណ្ដាត ភ្លើងឆេះរោលមើលលែងយល់តែម្តង ។

ក្រោយកើតហេតុ កម្លាំងសមត្ថកិច្ចជំនាញផ្នែកបច្ចេកទេស និងកោសល្យវិច័យ ក៏បានចុះទៅដល់ទីតាំង និង ពិនិត្យយ៉ាងហ្មត់ចត់ផងដែរ ប៉ុន្តែនៅមិនទាន់ដឹងអំពីមូលហេតុច្បាស់លាស់នៅឡើយទេ ដោយរង់ចាំធ្វើការ ស្រាវ ជ្រាវបន្តទៀត ។ ចំណែកសពសង្ឃរងគ្រោះអង្គនោះ សមត្ថកិច្ចបានប្រគល់ជូនសាច់ញាតិ ដើម្បីចាត់ចែង រៀបចំធ្វើបុណ្យតាមប្រពៃណីហើយ ៕