ក្រោយពេលដែលទូរទស្សន៌កែវភ្នែក អាយធីវី បានផ្សាយចែករំលែកនូវរឿងរ៉ាវអធិករវត្តគំនូរ ដែលមានទីតាំង ស្ថិតនៅក្នុងភូមិកំពង់ពោធិ៍ ឃុំព្រែកផ្ទោល ស្រុកអង្គរបូរី ខេត្តតាកែវ តាមប្រភពស្នើសុំរបស់ប្រជាពទ្ធបរិស័ទ
ក្នុងវត្ត ហើយស្នើសុំឲ្យមន្ត្រីសង្ឃគ្រប់ជាន់ថ្នាក់ ជួយអន្តរាគមន៌រក្សាទុកព្រះភិក្ខុ ហ៊ឺ ស្រ៊ា នៅក្នុងវត្តគំនូរ ដើម្បី បន្តដឹកនាំពុទ្ធបរិស័ទសាងបុណ្យកុសលទៀតនោះ មហាជនជាច្រើនក៏បានសំដែងនូវការសាទរ ហើយចង់ឃើញ ទីវត្តអារ៉ាមមួយនេះ បានរង្ងាប់រឿងរ៉ាវអធិករ ដោយមានទាំងពលរដ្ឋខ្លះបានផ្ញើនៅលិខិតរបស់សាលាគុណ ពាក់ ព័ន្ធនឹងរឿងរ៉ាវមួយនេះ ទៀតផង ។

ប្រភពពីប្រជាពលរដ្ឋពុទ្ធបរិស័ទ បានលើកឡើងថា រឿងរ៉ាវអធិករមួយនេះ កើតចេញពីការច្រណែនគ្នា រវាងព្រះ សង្ឃ និងព្រះសង្ឃ ហើយក៏មានបុគ្គលក្បាលខូចមួយក្បាលពីរក្បាលចាំញុះញង់ចាក់រុកផងនោះ ក្តីស្រឡាញ់រវាង ព្រះសង្ឃ និងព្រះសង្ឃ ក៏បានចាប់ផ្តើមប្រេះឆាឡើង ។

ក្នុងនោះគេបានឃើញព្រះចៅអធិការវត្ត មានបំណងចង់ឲ្យព្រះភិក្ខុ ហ៊ឺ ស្រ៊ា ចាកចេញពីវត្ត ដោយហេតុថា ប្រជា ពុទ្ធបរិស័ទស្ទើរតែមួយឃុំទៅហើយ ដែលគោរពស្រឡាញ់ព្រះភិក្ខុ ហ៊ឺ ស្រ៊ា ព្រោះតែព្រះភិក្ខុអង្គនេះ តែងតែជួយឈឺ ឆ្អាលទាំងសុខទឹកពុទ្ធបរិស័ទជុំវិញ លើសពីនេះ ព្រះភិក្ខុ ហ៊ឺស្រ៊ា តែងបានណែនាំយកព្រះធម៌មកអប់រំពុទ្ធបរិស័ទ ជាហេតុធ្វើឲ្យប្រជាពុទ្ធបរិស័ទ មានការក្តីស្រឡាញ់ពេញចិត្ត កាន់តែច្រើន ។

ដោយឃើញហេតុការណ៌បែបនេះ ព្រះចៅអធិការវត្តក៏បានរកវិធីសាស្ត្រដើម្បីឲ្យព្រះភិក្ខុ ហ៊ឺ ស្រ៊ា ចាកចេញពី វត្ត ប៉ុន្តែដោយប្រជាពលរដ្ឋពុទ្ធបរិស័ទតវ៉ាខ្លាំង នៅទីបំផុតព្រះចៅអធិការវត្ត ក៏បាននិមន្តចាកចេញពីវត្តដោយ ខ្លួនឯង តាំងពីមុនថ្ងៃចូលព្រះវស្សាមកម៉្លេះ ។

ក្រោយពេលដែលព្រះចៅអធិការវត្តបាននិមន្តចាកចេញ គេឃើញបុគ្គលខ្លះចាប់ផ្តើមនាំគ្នាលេបទឹកមាត់ សម្លឹង មើលឃើញកៅអីជាអ្នកដឹនាំគ្រប់គ្រងវត្តគំនូរ ស្របនឹងបែលនោះ គេបានឃើញព្រះមេគុណខេត្ត និងលោក ជួន វ៉ាន ប្រធានមន្ទីរធម្មការខេត្តតាកែវ បាននិមន្តព្រះភិក្ខុ តាក់ រាជសី និងព្រះភិក្ខុ ផុន សុភី ឲ្យមកដឹកនាំ គ្រប់គ្រង វត្ត និងការងាររដ្ឋបាលសង្ឃវត្តជំនួស តាមលិខិតលេខ ៥៦/២០ ស.ល.គ.តក ចុះថ្ងៃទី ០១ ខែកក្កដា ឆ្នាំ២០២០ ក្នុងនោះ ក៏មានរូបលោក ជួន វ៉ាន ប្រធានមន្ទីរធម្មការ និងសាសនា ខេត្តតាកែវ បានចុះហត្ថលេខា ដឹងឮទៀត ផង ។

ប្រជាពុទ្ធបរិស័ទចំណុះជើងវត្ត ផ្តើមមានការងឿងឆ្ងល់ថា តើហេតុអ្វីចាំបាច់និមន្តព្រះសង្ឃពីវត្តក្រៅចូលមកគង់ គ្រប់គ្រងក្នុងវត្តនេះធ្វើអី បើវត្តគំនូរនេះ នៅមានព្រះសង្ឃគ្រប់គ្រងនៅឡើយនោះ ស្រាប់តែឃើញបុគ្គលមួយក្រុម លើកឡើងថា ទាំងនេះ ជាការងារសង្ឃ ប្រជាពលរដ្ឋពុទ្ធបរិស័ទចំណុះជើងវត្ត កុំចេះ ។

ប្រភពពីប្រជាពលរដ្ឋពុទ្ធបរិស័ទ បានបន្ថែមផងដែរថា បើរឿងរ៉ាវនេះ អង្ករវាទៅជាបាយហើយនោះ ពួកគាត់ សំណូមពរ សុំរក្សាទុកព្រះភិក្ខុសង្ឃ ហ៊ឺ ស្រ៊ា បានគង់នៅក្នុងវត្តបន្តទៀត ពីព្រោះថា ព្រះអង្គជាបុព្វជិតដែលល្អ សុំកុំរកវិធីសាស្ត្រណាមួយ ដើម្បីយកព្រះភិក្ខុ ហ៊ឺ ស្រ៊ា ចេញពីវត្តដូចមុនអី ដែលជាទង្វើធ្វើឲ្យពួកគាត់ខកបំណង ។

ទោះជាយ៉ាងណា នេះគឺជាប្រភពស្នើសុំរបស់ប្រជាពលរដ្ឋ សុំឲ្យទូរទស្សន៌កែវភ្នែក អាយធីវី ចែករំលែក ស្នើសុំ គណៈសង្ឃជាន់ខ្ពស់ ដើម្បីជួយអន្តរាគមន៌ បានពន្លត់រឿងរ៉ាអធិករក្នុងវត្តគំនូរនេះ បើពុំដូច្ននោះទេ រឿងរ៉ាវវត្ត មួយនេះ នៅតែលេចឮល្បីល្បាញ អារឿងប្រជែងដំណែងកៅអីចៅអធិការវត្ត ជាហេតុធ្វើឲ្យពុទ្ធសាសនា របស់ រដ្ឋដ៏ផូផងយើងនោះ នៅតែបន្តរងនូវការប៉ះពាល់ កាន់តែខ្លាំងទៅៗ មិនខាន ៕