ថ្មីៗនេះ កាន់តែមានភាពរសើបទៀតហើយ ដោយគេបានឃើញ សម្តេចតេជោ ហ៊ុន សែន ប្រមុខរនៃរាជរដ្ឋាភិបាលកម្ពុជា បានបញ្ចប់មុខដំណែង លោកអភិបាលស្រុកគាស់ក្រឡ ដោយតម្រូវឲ្យរូបលោក មកបម្រើការងារនៅសាលាខេត្តបាត់ដំបង វិញ ។

នេះបើយោងតាមអនុក្រិតរបស់រាជរដ្ឋាភិបាល លេខ ៥៩៩ អនក្រ កត ស្តីពី ការបញ្ចប់មុខដំណែងមន្ត្រីរាជការ នៅក្នុងមាត្រា១ បញ្ជាក់ថា បញ្ចប់មុខដំណែងលោក ម៉ៅ សុចាន់ ឋានន្តរសក្តិវរៈមន្ត្រី ថ្នាក់លេខ៣ ពីអភិបាល នៃគណៈអភិបាល ស្រុកគាស់ក្រឡ ខេត្តបាត់ដំបង ឲ្យមកបម្រើការនៅសាលាខេត្តបាត់ដំបង ។

មាត្រា២ បទបញ្ញាតទាំងឡាយណា ដែលមានខ្លឹមសារផ្ទុយពីអនុក្រិតនេះ ត្រូវទុកជានិរាករណ៌ ។

មាត្រា៣ រដ្ឋមន្ត្រី ទទួលបន្ទុកទីស្តីការគណៈរដ្ឋមន្ត្រី រដ្ឋមន្ត្រីក្រសួងមហាផ្ទៃ រដ្ឋមន្ត្រីក្រសួងសេដ្ឋកិច្ច ហិរញ្ញវត្ថុ រដ្ឋមន្ត្រីមុខងារសាធារណៈ រដ្ឋមន្ត្រីគ្រប់ក្រសួង ប្រធានគ្រប់ស្ថាប័នដែលពាក់ព័ន្ធ និងសាម៉ីខ្លួន ដូចមានឈ្មោះក្នុងប្រកា១ ខាងលើ ត្រូវទទួលបន្ទុកអនុវត្តន៌អនុក្រិតនេះ តាមភារៈកិច្ចរៀងៗខ្លួន ចាប់ពីថ្ងៃចុះហត្ថលេខា នេះតទៅ ។

លិខិតនេះបានធ្វើឡើងនៅថ្ងៃទី២៧ ខែមិថុនា ឆ្នាំ២០២០ នេះ ទោះបីយ៉ាងណា ក្នុងអនុក្រឹត្យនេះ មិនបានបញ្ជាក់ពីមូលហេតុ នៃការបញ្ចប់មុខតំណែង លោក ម៉ៅ សុចាន់ ពីតួនាទីអភិបាលស្រុកគាស់ក្រឡ នោះទេ ៕