រថយន្តស៊េរីទំនើបម៉ាកធុនត្រាមួយគ្រឿង ដឹកឈើលោតឆ័ត្រអស់ល័ក្ខ ត្រូវបានជាប់អន្ទាក់សមត្ថកិច្ចជំនាញ ផ្នែករដ្ឋបាលព្រៃឈើស្រុករវៀង ។ ការបង្ក្រាបលើករណីដែលដឹកឈើល្មើសច្បាប់ខាងលើនេះ បើតាមការ បញ្ជាក់ពីសមត្ថកិច្ចជំនាញបានឲ្យដឹងថា គឺដឹកនាំបញ្ជាផ្ទាល់ដោយលោក ស៊ុម ស៊ីវត្ថា នាយផ្នែករដ្ឋបាលព្រៃ ឈើ រវៀង ដោយសហការណ៏ជាមួយកំលាំងកងរាជអាវុធហត្ថ ខេត្តព្រះវិហារ ដែល ដឹកនាំ បញ្ជា្ទផ្ទាល់ដោយ លោក វរៈ សេនី យ៌ ទោ គង់ ផល្លី នាយរងសេនាធិកាកងរាជអាវុហត្ថខេត្ត បានប្រដេញ នឹងស្ទាក់ ចាប់រថយន្ដ
មួយគ្រឿង ម៉ាកធុនត្រា ពណ៌ស ដឹកឈើ លេខ ១ ប្រភេទ សុ ក្រំ កាលពី យប់ ថ្ងៃទី ២០ ខែកុម្ភៈ ឆ្នាំ ២០២០ កន្លងមកនេះ ។

លោក ស៊ុស៊ីវ ត្ថា នាយផ្នែក រដ្ឋបាល ព្រៃឈើរ វៀង បានឱ្យដឹង នៅ ព្រឹក ថ្ងៃទី ២១ ខែកុម្ភៈ ឆ្នាំ ២០២០ ថា ដោយសារ មាន ភ្នាក់ ងាររាយការណ៍ថា មានរថយន្ត ធុនត្រា និង រថយន្តស៊ីណា ពណ៌ស មួយ គ្រឿង ទៀត ។ រថយន្តនេះ ដឹកជញ្ជូន ផល អនុផល ព្រៃឈើ ចេញពី ចំណុច ក្រាំង ដូង តាម បណ្ដោយ ផ្លូវជាតិ លេខ ៦២ ឈ្ពោះ ទៅ ខេត្តកំពង់ធំ លុះដល់ ចំណុច អូរពោធិ៍ បានបើករត់គេចត្រឡប់មកក្រោយវិញ ដោយសារមាន រថយន្តបើកមើលផ្លូវខាងមុខឃើញ កម្លាំងបរិស្ថានអូរ ពោធិ៍ ដាក់ប៉ារាស់ ។ ភ្លាមៗ នោះ កម្លាំង រដ្ឋបាល ព្រៃឈើ រវៀង និង កម្លាំង ក ២ ជើងគោក ប្រចាំខេត្ត ព្រះវិហារ បាន ប្រដេញរថយន្តទាំងពីរគ្រឿង នេះ ។ ដោយ រថយន្ត ធុនត្រា ដែលឃាត់បាន គឺបានបើកបិទ រារាំងពីក្រោយមិនឱ្យកម្លាំង សមត្ថកិច្ច វ៉ា បាន ហើយ ឱ្យ រថយន្តស៊ីណា បានរត់គេចបាត់ ។

កម្លាំងចម្រុះ ដេញប្រផាប់ ចាប់ប្រ ភីង ស្ទាក់ចាប់ រថយន្ដ ធុន ត្រា រហូត ទៅដល់ ភូមិ ដា ឃុំ ចំរើន ស្រុកសង្គម ថ្មី ខេត្តព្រះវិហារ ។ ដោយ រថយន្ដ នេះ បាន ទម្លាក់ ឈើ ចេញពី រថយន្ដ ហើយ យក រថយន្ដ មកលាក់ទុកមុខផ្ទះ អ្នកភូមិ ។ ភ្លាមនោះ សមត្ថកិច្ច ក៏បាន ឆែកឆេរ ក្នុងព្រៃ ក៏ ប្រទះឃើញ ឈើ ប្រភេទ សុ ក្រំ ចំនួន ១៦ សន្លឹក ស្មើ នឹង ១,២៦២ ម៉ែត្រគូប ។ ភ្លាមៗ នោះ អ្នកបើករថយន្ត ដឹក បទល្មើស បាន រត់គេច ខ្លួន បាត់ ។

បច្ចុប្បន្ន រថយន្ត ធុនត្រា និង ឈើខាងលើត្រូវបាន នាំយកមក រក្សាទុក នៅ ផ្នែក រដ្ឋបាល ព្រៃឈើ រវៀង ដើម្បី ធ្វើ សំណុំរឿង តាមច្បាប់ ស្តីពី រដ្ឋបាល ព្រៃឈើ ។ សូមបញ្ជាក់ថា បើទោះបី សមត្ថកិច្ច ជំនាញ និង ស្ថាប័ន ពាក់ព័ន្ធ ខិតខំ ធ្វើការ បង្ក្រាប ការដឹកជញ្ជូន ផល អនុផល ព្រៃឈើ ក៏ នៅតែមាន ឈ្មួញ ខិលខូច លួច ធ្វើ សកម្មភាព ដោយ មិន ខ្លាច រអានោះដែរ ៕