ខេត្តកំពត៖កាលពីរសៀលថ្ងៃទី២៩ ខែសីហា ឆ្នាំ២០១៨ម្សិលមិញនេះ លោក ជាវ តាយ អភិបាល នៃគណៈអភិបាលបាន ប្រគល់កុំព្យូទ័រយួរដៃ(Labtop) ចំនួន៥៤គ្រឿង ជូនដល់សមាជិកសមាជិកា គណៈកម្មការវាយតម្លៃ អង្គភាពផ្តល់សេវាសាធារណៈ ថ្នាក់ខេត្ត ក្រុង ស្រុក និងស្ថានប័ន គោលដៅនៃការវាយតម្លៃនិងទទួលស្គាល់អង្គភាពផ្តល់សេវាសាធារណៈគម្រូក្នុងវិស័យអប់រំ និងវិស័យសុខាភិបាល។ក្នុងឱកាសនោះដែរលោកអភិបាលខេត្តកំពត បានមានប្រសាសន៍ថា៖ខេត្តកំពតក្នុងពេលដ៏ខ្លីខាងមុខនឹងក្លាយជាខេត្តទេសចរណ៍ ដែលមានភ្ញៀវមកទស្សនាច្រើនជាងគេ ក្នុងចំណោមខេត្តជាប់ឆ្នេរសមុទ្រនិងបណ្តាខេត្តទាំងអស់របស់កម្ពុជាយើង។ជាមួយគ្នានេះ លោកក៏បានលើកពីមូលហេតុដែលអាចធ្វើឲ្យខេត្តកំពតមានភ្ញៀវច្រើនជាងគេថា កំពតមានកន្លែងដើរលេងច្រើន សម្បូរបែប មានកំពង់ផែទេសចរណ៍អន្តជាតិ ឆ្នេរកម្សាន្ត កំពតនៅជិតទីក្រុង អ្នកមកលេងអាចសម្រាក ឬត្រឡប់ទៅវិញ ហើយផ្លូវថ្នល់នឹងងាយស្រួលធ្វើដំណើរ និងមានសោភ័ណភាពស្អាត និងចំណុចល្អជាច្រើនទៀត។លោកអភិបាលខេត្តបញ្ជាក់ថា៖ដើម្បីទាក់ទាញភ្ញៀវឲ្យបានច្រើន ក្នុងជំហានដំបូងនេះ លោកនិងដាំបង្គោលដាក់អំពូលភ្លើងនៅក្នុងបណ្តាស្រុកទាំង៧របស់ខេត្តចម្ងាយ១គីឡូ ហើយរាល់ផ្លូវលំឡើងទៅផ្លូវជាតិ ត្រូវចាក់បេតុងចម្ងាយមួយរយម៉ែត្រគ្រប់ផ្លូវ ដើម្បីរក្សាសោភ័ណភាពផ្លូវជាតិ និងក្រុងកុំឲ្យមានធូរលីដី ហើយនឹងធ្វើជាបន្តបន្ទាប់បន្តិចម្តងៗ។ទោះជាយ៉ាងណាក៏ដោយលោក ជាវ តាយ បានសំណូមពរយ៉ាងទទូចដល់ថ្នាក់ដឹកនាំ មន្ត្រីរាជការ មន្ទីរ អង្គភាពជុំវិញខេត្តទាំងអស់ រួមទាំងប្រជាពលរដ្ឋផងដែរ ត្រូវចូលរួមទាំងអស់គ្នា ដើម្បីអភិវឌ្ឍខេត្តមួយនេះឲ្យប្រែមុខប្រែមាត់បានឆាប់រហ័ស ពិសេសត្រូវចូលរួមបង្កើនប្រសិទ្ធភាពការងារ និងការរក្សាឲ្យបាននូវបរិស្ថានអនាម័យស្អាត ទាំងក្នុងមូលដ្ឋានភូមិ ឃុំ ស្រុក ក្រុង រហូតដល់ខ្នងផ្ទះរបស់ប្រជាពលរដ្ឋម្នាក់ៗ ព្រោះបុគ្គលម្នាក់មិនអាចធ្វើការងារនេះបានជោគជ័យនោះទេ៕
ព័ត៌មានគួរចាប់អារម្មណ៍
ប្រជាពលរដ្ឋ ភូមិដំណាក់ខ្លុង ក្តៅក្រហាយស្ទើរបែកផ្សែងហើយ ខណៈដីរបស់ពួកគាត់ ត្រូវបានមនុស្សពីរនាក់ ដែលអះអាងសុទ្ធតែជាឯកឧត្តមលោកជំទាវ ទៅសង់ខ្ទមលើដី ហើយគំរាមកំហែងមិនឲ្យពលរដ្ឋចូលដីខ្លួន ពួកគាត់ ស្នើសុំលោកអភិបាលខេត្តតាកែវជួយឈឺឆ្អាលផង (ជា វ៉ាន់ឃុន)
អុញនោះ!.. បែកធ្លាយឲ្យហុយសំពោង លោក សាំង សុខន ប្រធានស្នាក់ការបរិស្ថានអូរគ្រួត ឬត្រពាំងស្រកែ ប្រើអំណាចប្រពឹត្តអំពើពុករលួយ កៀបសង្កត់ពលរដ្ឋធ្វើមានធ្វើបានហើយ សូមឲ្យអង្គភាពប្រឆាំងអំពើពុក រលួយជួយមើលផង (ជា វ៉ាន់ឃុន)
សង្ស័យលោក មឿង សារុន អធិការស្រុកសំរោង ទទួលប្រយោជន៌ពីក្រុមអ្នកញៀនល្បែងជល់មាន់ និងលេង អាប៉ោងខុសច្បាប់ យ៉ាងសម្បើមណាស់ហើយមើលទៅ បានជាទុកឲ្យឈ្មោះ តាអ៊ួក គៀងគរមនុស្សឲ្យចូល លេងភ្លូកទឹកភ្លូកដី យ៉ាងអញ្ចឹង (ជា វ៉ាន់ឃុន)
ចាប់ឃាត់ខ្លួនជនសង្ស័យ១នាក់ ពាក់ពន្ឋ័ករណីលួច (ខ្មែរថ្ងៃនេះ)
កាំកុងត្រូលខេត្តកណ្ដាល ចុះត្រួតពិនិត្យទំនិញហួសកាលបរិច្ឆេទ និងខូចគុណភាព ដាក់លក់នៅផ្សាររកាកោង (ខ្មែរថ្ងៃនេះ)
វីដែអូ