សម្តេចហ៊ុនសែនបញ្ជាឲ្យបង្កើតមជ្ឃមណ្ឌល ជួយដោះស្រាយនិងសង្គ្រោះស្ត្រីរងការរំលោភបំពាន
សម្តេចនាយករដ្ឋមន្ត្រីហ៊ុន សែន នៅព្រឹកថ្ងៃនេះ ក្នុងពិធីប្រជុំបូកសរុបលទ្ធផលការងារក្រុមប្រឹក្សាជាតិកម្ពុជាដើម្បីស្ត្រី បានសម្រេចបង្កើនថវិកាពី ២០០លានរៀល ទៅដល់ ៥០០លានរៀល សម្រាប់ចំណាយលើសេវាផ្លូវច្បាប់ដល់ស្ត្រី ដែលរងគ្រោះដោយការរំលោភបំពានផ្សេងៗ។
សម្តេចហ៊ុន សែនក៏បានបញ្ជាភាគីពាក់ព័ន្ធទាំងអស់ ឲ្យបង្កើតមជ្ឃមណ្ឌលជួយដោះស្រាយ និងសង្គ្រោះជនរងគ្រោះដោយអំពើរំលោភបំពាន និងហិង្សា នៅតាមមន្ទីពេទ្យទាំងអស់ ខណៈសម្តេចបង្កើនថវិកាដល់ជាង ១២ម៉ឺនដុល្លារសម្រាប់ជួយដោះស្រាយសេវាផ្លូវច្បាប់ដល់ស្ត្រីរងគ្រោះទាំងនោះ។
សម្តេចបញ្ជាឲ្យបង្កើតកន្លែងជួយដោះស្រាយ និងសង្គ្រោះស្ត្រីរងការរំលោភបំពានផ្សេងនៅតាមមន្ទីរពេទ្យនានានៅទូទាំងប្រទេសផងដែរ ។សម្តេចជំរុញទៅក្រសួងសុខាភិបាល ឲ្យបង្កើនល្បឿននៃការធ្វើកោសលវិច្ច័យករណីរំលោភបំពានលើស្ត្រី ដើម្បីចៀសវាងបាត់បង់ភស្តុតាង៕
