ផ្តើមបែកធ្លាយជាបន្តបន្ទាប់ ករណីលោក ចេង ស្រុង ដែលមានងារជាប្រធានមន្ទីររៀបចំដែនដីនគរូបនីយកម្ម សំណង់ និងសូរិយោដី ខេត្តព្រះសីហនុ ត្រូវបានប្រភពពីមន្រ្តីរាជការបម្រើការនៅក្នុងមន្ទីររៀបចំដែនដីខេត្តព្រះ សីហនុ ទម្លាយឲ្យដឹងថា បច្ចុប្បន្ននេះ លោក ចេង ស្រុង ប្រធានមន្ទីររៀបចំដែនដីខេត្តព្រះសីហនុ និងលោក សេង សុខណាក់ ដែលជាអនុប្រធានមន្ទីរ ទទួលបន្ទុកពិនិត្យឯកសារព្រមទាំងបក្ខពួករបស់គេមួយចំនួន កំពុងរួមដៃគ្នា ប្រព្រឹត្តអំពើពុករលួយពេញទំហឹងហើយ ។

ប្រភពបានលើកឡើងទៀតថា មន្ទីររៀបចំដែនដីខេត្តព្រះសីហនុ សព្វថ្ងៃនេះ ស្ទើរតែក្លាយទៅជាក្រុមហ៊ុនរកស៊ី ផ្តាច់មុខរបស់លោក ចេង ស្រុង ប្រធានមន្ទីររៀបចំដែនដីខេត្តព្រះសីហនុ និងបក្ខពួកទៅហើយ។ ចំណែកថ្នាក់ ដឹកនាំក្រសួងរៀបចំដែនដី នគរូបនីយកម្ម និងសំណង់ បែរជាកាន់តែរក្សាភាពស្ងៀមស្ងាត់បានយ៉ាងចម្លែក ក្នុង ខណៈដែលលោក ចេង ស្រុង កំពុងមានតួនាទី និងមានអំណាច ប្រមូលលុយតាមរបៀបពុករលួយយ៉ាងត្រជាក់
ចិត្ត ។

ប្រភពពីប្រជាពលរដ្ឋដែលទៅធ្វើប័ណ្ណកម្មសិទ្ធិដីធ្លី លក់ដូរដីធ្លី កាត់ឈ្មោះ និងសុំច្បាប់សាងសង់ សំណង់ផ្សេងៗ នៅមន្ទីររៀបចំដែនដីខេត្តព្រះសីហនុ បានឲ្យដឹងថា លោក សេង សុខណាក់ អនុប្រធានមន្ទីរ ទទួលបន្ទុកពិនិត្យ ឯកសារ បានប្រើគ្រប់វិធីគាបយកលុយពីពួកគាត់យ៉ាងកំរោល ។ ហើយបើតាមដែលគេដឹងនោះ ការដែលលោក សេង សុខណាក់ មិនញញើតក្នុងការប្រព្រឹត្តអំពើពុករលួយ គឺដោយសារមានការបើកដៃពីលោក ចេង ស្រុង ប្រធានមន្ទីររៀបចំដែនដីខេត្តព្រះសីហនុ តែម្តង ។ ហេតុនេះហើយទើបបច្ចុប្បន្នលោក ចេង ស្រុង ប្រធានមន្ទីរ រៀបចំដែនដីខេត្តព្រះសីហនុ ពង្រឹងបណ្តាញពុករលួយយ៉ាងរឹងមាំ ដោយគ្មានខ្លាចក្រែងអ្វីទាំងអស់ លើសនេះទៅ ទៀតលោក ចេង ស្រុង ប្រធានមន្ទីររៀបចំដែនដីខេត្តព្រះសីហនុ អាងមានឪពុកក្មេកជាមន្រ្តីធំ ទើបមិនញញើត ក្នុងការពង្រឹងបណ្តាញពុករលួយ។

ប្រភពពីមន្ត្រីបម្រើការនៅមន្ទីររៀបចំដែនដីនគរូបនីយកម្ម សំណង់ និងសូរិយោដីខេត្តព្រះសីហនុ បានលើក ឡើងថា ពួកគាត់ចង់ឃើញលោក ឱម យ៉ិនទៀង ប្រធានអង្គភាពប្រឆាំងអំពើពុករលួយ បើកការស៊ើបអង្កេតឲ្យ បានស៊ីជម្រៅឡើងវិញផង លើរឿងរ៉ាវអាស្រូវពុករលួយរបស់លោក ចេង ស្រុង នេះ ដើម្បីផ្តល់ជំនឿចិត្តដល់មន្ត្រី
រាជការទូទៅដែលកំពុងបំពេញការងារ ។

ទាក់ទិនទៅនឹងប្រភពទម្លាយប្រាប់មកអង្គភាពព័ត៌មានយើងនេះ អង្គភាពព័ត៌មានយើងមិនអាចសុំការបំភ្លឺពីរូប លោក ចេង ស្រុង បាននោះទេ ក្នុងថ្ងៃនេះ ៕