ក្នុងរយៈពេលប៉ុន្មានថ្ងៃក្នុងដើមខែមីនា ឆ្នាំ ២០២០នេះ នៅច្រកទ្វារព្រំដែនអន្តរជាតិប៉ោយប៉ែត ត្រូវបានពលរដ្ឋ
កម្ពុជា និងភ្ញៀវបរទេសជាច្រើន បានកោតសសើរជាខ្លាំងទៅនឹងការយកចិត្តទុកដាក់របស់មន្ត្រីប៉ុស្តិ៍នគរបាល អន្តោរប្រវេសន៌ក្រោមការដឹកនាំរបស់លោក អ៉ី ចំរើន ជាខ្លាំងផងដែរ ។

អ្នកដំណើរឆ្លងកាត់ច្រកទ្វារជាច្រើនបានលើកឡើងថា ក្នុងរយៈដើមខែមីនា២០២០នេះ គេបានឃើញច្រកទ្វារ
ព្រំដែនអន្តរជាតិប៉ោយប៉ែត ត្រូវបានរៀបចំឲ្យអ្នកដំណើរចេញ និងចូលមានសណ្តាប់ធ្នាប់ និងរបៀបរៀបរយ
ខុសប្លែកពេលមុនៗ ។ រាល់ភ្ញៀវដែលឆ្លងកាត់ច្រកទ្វារប៉ុស្តិ៍អន្តោរប្រវេសន៌ គឺតែងទទួលបានការយកចិត្តទុកដាក់
ពីមន្ត្រី ដោយប្រើពាក្យសមរម្យក៏ដូចជាជួយសម្រួលរាល់សេចក្តីការរបស់អ្នកដំណើរឆ្លងកាត់ ប្រកបដោយភាព
រស់រាយរាក់ទាក់ គួរឲ្យចាប់អារម្មបំផុត ។

គួររំលឹកផងដែរថា នៅដើមខែមីនា ក្រោមការដឹកនាំយ៉ាងយកចិត្តទុកដាក់របស់ប្រមុខរាជរដ្ឋាភិបាលកម្ពុជា ដែលមាន សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ជាថ្នាក់ដឹកនាំកំពូល បានដាក់ចេញ នូវការយកចិត្តទុកដាក់ឲ្យបានខ្ពស់បច្ចុប្បន្នភាព វីរុសសម័យថ្មី ក្នុងទិសដៅធានានូវជំនឿចិត្ត លើវិស័យទេស ចរណ៌ ក្នុងនោះផងដែរ គេបានឃើញមន្ត្រីសមត្ថកិច្ចគ្រប់ស្ថាប័ន នៅតាមបណ្តាប៉ុស្តិ៍ច្រកទ្វារ ក៏ដូចជានៅ តាមបណ្តាប៉ុស្ត៍មូលដ្ឋាននានា ចាប់ផ្តើមចូលរួមប្រយុទ្ធប្រឆាំងទៅនឹងព័ត៌មានក្លែងក្លាយ ព្រមទាំងពង្រងឹងការ ត្រួតពិនិត្យចរាចរចេញចូលរបស់ភ្ញៀវ ជាតិ និងអន្តរជាតិឆ្លងកាត់ ឈរលើជំហរស្មារតីទទួលខុសត្រូវខ្ពស់គួរ
កោតសសើរ ហើយជាក់ស្តែងនោះសម្រាប់ច្រកទ្វារព្រំដែនអន្តរជាតិប៉ោយប៉ែត កម្លាំងមន្ត្រីអន្តោរប្រវេសន៌ បានព្យាយាមសម្រួលសណ្តាប់ធ្នាប់ចរាចរ និងការត្រួតពិនិត្យការពារលំហូររបស់អ្នកផ្ទុកវីរ៉ុសកូរ៉ូណានេះយ៉ាង យកចិត្តទុកដាក់បំផុត ។

ស្របពេលទៅនឹងការកោតសសើរពីភ្ញៀវអ្នកដំណើរនេះផងដែរ មន្ត្រីនគរបាលអន្តោរប្រវេសន៌ច្រកទ្វារអន្តរ ជាតិជាច្រើននៅតាមគោលដៅ បានប្រាប់ភ្នាក់ងារព័ត៌មានយើងឲ្យដឹងថា ការកោតសសើររបស់ភ្ញៀវនៅពេល នេះ ក៏ព្រោះតែរូបគាត់ជាមន្ត្រីនគរបាលអន្តោរប្រវេសន៌ទាំងអស់ ទទួលបានការចង្អុលបង្ហាញយ៉ាងយកចិត្តទុក ដាក់របស់លោកអ៊ី ចំរើន មិនថាតែរាល់ពេលអង្គប្រជុំ ឬក៏ចុះត្រួតពិនិត្យនៅតាមគោលដៅលើទីសាធារណៈ គឺ
លោកឧត្តមសេនីយ៌ត្រី អ៉ី ចំរើន តែងបានណែនាំ ធ្វើយ៉ាងត្រួតពិនិត្យលើប្រភេទជម្ងឺកូរ៉ូណានេះឲ្យបានខ្ពស់ តាម រយៈការជួយសម្រួលលើសណ្តាប់ធ្នាប់ចរាចរ ក៏ដូចជាការពិនិត្យលើភាពជាក់ស្តែង តម្រូវឲ្យអ្នកដំណើរទាំងអស់ ប្រើប្រាសម៉ាសការពារឲ្យបានហ្មត់ចត់ ៕